उद्या यावल येथे भावी लोकप्रतिनिधींच्या उपस्थितीत रावण दहनाचा कार्यक्रम.

यावल दि.११ 

येथे उद्या शनिवार दि.१२ रोजी संध्याकाळी ६ :३० वाजता रावेर विधानसभा मतदार संघातील सर्व भावी लोकप्रतिनिधींच्या उपस्थितीत रावण दहन कार्यक्रम श्री छत्रपती शिवाजी महाराज मित्र मंडळातर्फे आयोजित करण्यात आला आहे.

       येथील व्यास मंदिराजवळ सालाबाद प्रमाणे रावण दहन कार्यक्रम आमदार शिरीषदादा चौधरी यांच्या अध्यक्षतेखाली तसेच भाजपाचे जिल्हाध्यक्ष अमोल जावळे,प्रहार संघटना उत्तर महाराष्ट्र अध्यक्ष अनिलभाऊ चौधरी, गोदावरी फाउंडेशनच्या संचालिका सौ.केतकीताई पाटील,यावल रावेर तालुका आश्रय फाउंडेशनचे संस्थापक अध्यक्ष डॉ.कुंदन फेगडे, यशोदाबाई दगडू सराफ चॅरिटेबल ट्रस्ट संचालक पांडुरंग सराफ,एन एसयुआय प्रदेश सरचिटणीस धनंजय चौधरी इत्यादी भावी लोकप्रतिनिधीसह आदिवासी विकास प्रकल्प अधिकारी अरुण पवार यांच्या प्रमुख उपस्थितीत रावण दहनाचा कार्यक्रम होणार आहे. 

          आयोजक समिती अध्यक्ष प्राध्यापक मुकेश येवले,कार्याध्यक्ष डॉ.हेमंत येवले,उपाध्यक्ष अमोल भिरुड,सचिव अमोल दुसाने, कोषाध्यक्ष विवेक सोनार यांच्यासह ६० ते ७५ सदस्यांनी, सल्लागार समिती सदस्य,स्थानिक समिती सदस्यांकडून रावण दहनाची जय्यत तयारी करण्यात आली आहे. 

        यावल येथील रावण दहनाचा कार्यक्रम रावेर विधानसभा मतदारसंघातील कोणत्या राजकीय पक्षाच्या भावी लोकप्रतिनिधींला शुभ- अशुभ ठरणार ..? हे लवकरच संपूर्ण रावेर विधानसभा मतदार संघातील नागरिकांना समजणार...असे सुद्धा यावर शहरात बोलले जात आहे.