यावल दि.२६ येथील श्री मनुदेवी आदिवासी शिक्षण प्रसारक मंडळ संचलित सरदार वल्लभभाई पटेल इंग्लिश मीडियम स्कूल मध्ये मधुस्नेह संस्था परिवारातर्फे यशवंत विद्यार्थ्यांसह शिक्षकांचा सन्मान आमदार शिरीषदादा चौधरी यांच्या उपस्थितीत व मान्यवरांच्या हस्ते करण्यात आला.
विद्यार्थी व शिक्षक क सन्मान सोहळा कार्यक्रम आज गुरुवार दि.२६ सप्टेंबर २०२४ रोजी सरदार वल्लभ भाई पटेल इंग्लिश मीडियम स्कूल मध्ये घेण्यात आला,यावेळीकार्यक्रमाचे अध्यक्षस्थानि रावेर विधानसभा मतदारसंघाचे लोकप्रिय आमदार शिरिषदादा चौधरी उपस्थित होते तर प्रमुख मान्यवर म्हणून फ्रूटसेल सोसायटी माजी चेअरमन माननीय अमोल भिरुड, काँग्रेसचे पदाधिकारी कदीर खान विरोधी पक्ष नेते प्रभाकर सोनवणे उपस्थित होते.कार्यक्रमाच्या सुरुवातीस आमदार शिरिषदादा चौधरी यांच्या हस्ते सरस्वती पूजन करण्यात आले.तसेच अध्यक्षांच्या वतीने शाळेतील इयत्ता १० वी तील गुणवंत विद्यार्थ्यांसह शाळेतील सर्व शिक्षकांचा अध्यक्षांच्या वतीने सत्कार करण्यात आला.
आमदार यांच्याकडून प्रेरणा देण्याचे कौतुकास्पद कार्य - आमदार शिरिषदादा चौधरी यांनी हा सोहळा आयोजित करून तालुक्यातील प्रत्येक गावातील विद्यार्थ्यांना प्रेरणा देण्याचे काम केले आहे.तसेच त्यांनी आमच्या शाळेतील विद्यार्थ्यांना व शिक्षकांना योग्य असे मार्गदर्शन केले.याप्रसंगी स्कूलचे संस्थापक अध्यक्ष राजेंद्र महाजन सर व संस्थेचे डायरेक्टर शशीकांत फेगडे सर व गोपाळ महाजन सर व शाळेच्या मुख्याध्यापिका सौ.शीला तायडे मॅडम यांच्या प्रमुख उपस्थितीत कार्यक्रम मोठ्या आनंदात उत्साहात पार पडला.या कार्यक्रमाचे सूत्रसंचालन सौ. अर्चना चौधरी मॅडम यांनी केले. कार्यक्रमासाठी प्रशांत फेगडे सर यांच्यासह शाळेतील सर्व शिक्षक वृंद व कर्मचारी वर्गाने परिश्रम घेतले.
टिप्पणी पोस्ट करा