यावल दि.२५
रावेर तालुक्यात सावदा येथे दि.२३ रोजी कुलसुमबाई सभागृहात प्रहार संघटनेतर्फे आयोजित आशा सेविका,अंगणवाडी सेविकांचा मेळावा संपन्न झाला यावेळी रावेर विधानसभा मतदारसंघात प्रहार जन शक्ती पक्ष प्रमुख आमदार बच्चू कडू यांनी अनिल भाऊ चौधरी यांची उमेदवारी जाहीर केली.
आशा सेविका व अंगणवाडी सेविकांचा मेळावा संपन्न झाला.यावेळी प्रहार संघटनेचे आ. बच्चू कडू यांची प्रमुख उपस्थिती होती.त्यांचे सोबत उत्तर महाराष्ट्राचे अध्यक्ष अनिल चौधरी व मान्यवर उपस्थित होते.यावेळी कार्यक्रमात बोलताना आ.बच्चू कडू यांनी समाजात असलेली आर्थिक असमानता दूर झाली पाहिजे असे प्रतिपादन केले.खासदार,आमदार प्राध्यापक,कलेक्टर यांना लाखो रुपये पगार तर ग्राउंड लेव्हल वर काम करणारे सर्व लोक,आशा सेविका,अंगणवाडी सेविका यांना मात्र अतिशय कमी पगार ही आर्थिक विसंगती असून ती दूर करण्याचा प्रहार संघटना नेहमी प्रयत्न करणार असल्याचे सांगितले, तर आमचे आज २ आमदार असले तरी येत्या निवडणुकीत आम्ही पूर्ण ताकदीने उतरू व आमचे किमान २० ते २५ आमदार निवडून येतील असा विश्वास व्यक्त केला दरम्यान प्रहार कोणा बरोबर रहाणार असा प्रश्न पत्रकारांनी विचारला असता अद्याप निर्णय घेतला नसल्याचे सांगत लवकरच सर्व सहकारी यांचे सोबत चर्चा करून निर्णय घेऊ असे बोलत सर्व पर्याय खुले असल्याचे त्यांनी सांगितले तसेच रावेर विधानसभेसाठी अनिल चौधरी यांचे नाव आजच जाहीर करीत असून ते निश्चित असल्याचे सांगितले.यावेळी
प्रहार दिव्यांग क्रांती संघटनेच्या वतीने प्रहार दिव्याग क्रांती संघटनेचे जळगाव जिल्हा सल्लागार शरद बारजिभे यावल तालुका अध्यक्ष प्रविण सोनवणे,यावल तालुका उपाध्यक्ष हरिभाऊ पाटील, शहर प्रमुख उत्तम कानडे,सचिव अरुण ठाकूर,यावल तालुका संघटक ललित पाटील,तालुका संपर्क प्रमुख दिलीप आमोदकर, खुशबू चौधरी महिला आघाडी सल्लागार राजेंद्र गीते,अशोक भावसार इत्यादी दिव्यंग बंधू आणि भगिनी यांनी माननीय बच्चू भाऊ कडू यांची भेट घेतली.
रावेर विधानसभा मतदारसंघात आमदार बच्चू कडू यांनी अनिल चौधरी यांची उमेदवारी निश्चित असल्याचे जाहीर केल्याने गेल्या निवडणुकीत अनिल चौधरी यांनी मिळविलेल्या मतदानाची आकडेवारी आणि त्यांचा वाढता जनसंपर्क लक्षात घेता रावेर विधानसभा मतदार संघात निवडणुक रिंगणात येणाऱ्या राजकीय पक्षाच्या उमेदवारांना चांगलीच राजकीय कसरत करावी लागणार असल्याचे संपूर्ण रावेर विधानसभा मतदारसंघात सर्व स्तरात चर्चिले जात आहे.
टिप्पणी पोस्ट करा