रावेर तालुक्यातील विवरे खुर्द येथील रहिवाशी अनिल ज्ञानदेव गाढे हे भारतीय नौदलात सतत पंधरा वर्ष देशसेवा करून आपल्या गावी परतले.त्याबद्दल त्यांचे रावेर येथे मित्रमंडळीने, समाज बांधवांनी व इतर सर्व स्तरातील नागरिकांनी, हितचिंतकांनी मोठ्या जल्लोषात स्वागत केले.
ते रावेर तालुक्यातील मूळचे विवरे खुर्द गावचे रहिवाशी अनिल ज्ञानदेव गाढे हे जुलै 2007 मध्ये भारतीय नौदलात मेडिकल ब्रांचला कार्यरत होते.पंधरा वर्ष एक महिने त्यांनी देशसेवा केली.यात चिल्का, हैदराबाद,मुंबई,विशाखापट्टनम, अंदमान निकोबार व कर्नाटकातील कारवार या ठिकाणी त्यांनी यशस्वीपणे देशसेवा केली.
अनिल डी.गाढे यांनी दहावी पर्यंतचे शिक्षण श्री ग.गो. बेंडाळे हायस्कूल,विवरे याठिकाणी केले तर पुढील बारावी पर्यंतचे शिक्षण सरदार जी.जी.हायस्कूल आणि ज्युनिअर कॉलेज,रावेर येथे घेतले होते.पंधरा वर्ष एक महिन्यांची देशसेवा व कर्तव्यपूर्ती करून अनिल डी.गाढे शुक्रवार दि. 2 सप्टेंबर 2022 रोजी रावेर येथे परतले आहेत.कुटुंबातील सदस्यांकडून त्यांचे प्रथम औक्षण करण्यात आले.तसेच रावेर शहर वासियांनी,मित्र परिवाराने त्यांचेवर पुष्पांचा वर्षाव करून त्यांचे अभिनंदन केले.
टिप्पणी पोस्ट करा